1 Chronicles 2

Amadodana ka-Israyeli

1Amadodana ka-Israyeli yila: ngu Rubheni, loSimeyoni, loLevi, loJuda, lo-Isakhari, loZebhuluni, 2loDani, loJosefa, loBhenjamini, loNafthali, loGadi kanye lo-Asheri.

AbakaJuda Kumadodana kaHezironi

3Amadodana kaJuda yila: ngu-Eri, lo-Onani kanye loShela. Laba bobathathu wabazala lowesifazana ongumKhenani, indodakazi kaShuwa. UEri, izibulo likaJuda, wayeyisigangi phambi kukaJehova, ngalokho uJehova wambulala. 4UThamari, umalokazana kaJuda wamzalela uPherezi loZera. UJuda wayelamadodana amahlanu.

5Amadodana kaPherezi yila: nguHezironi loHamuli.

6Amadodana kaZera yila: nguZimri, lo-Ethani, loHemani, loKhalikholi kanye loDarida. Bonke babebahlanu.

7Indodana kaKharimi yile: ngu-Akhari, owaletha inhlupheko ko-Israyeli ngesiphambeko asenza ngalokho okuqalekisiweyo.

8Indodana ka-Ethani yile: ngu-Azariya.

9Amadodana azalwa nguHezironi yila: nguJerameli, loRama kanye loKhalebi.

Kusukela kuRama Indodana kaHezironi

10URama wayenguyise ka-Aminadabi, njalo u-Aminadabi enguyise kaNahashoni, umkhokheli wabantu bakoJuda.

11UNahashoni wayenguyise kaSalimoni, uSalimoni enguyise kaBhowazi.

12UBhowazi enguyise ka-Obhedi, u-Obhedi enguyise kaJese.

13UJese wayenguyise ka-Eliyabi izibulo lakhe; indodana yesibili kungu-Abhinadabi, eyesithathu kunguShimeya,

14eyesine kunguNethaneli, eyesihlanu kunguRadayi, 15eyesithupha kungu-Ozemu, eyesikhombisa kunguDavida.

16Odadewabo kwakunguZeruya lo-Abhigeli. Amadodana amathathu kaZeruya kwakungu-Abhishayi, loJowabi kanye lo-Asaheli. 17U-Abhigeli wayengunina ka-Amasa, oloyise okwakuthiwa nguJetheri um-Ishmayeli.

UKhalebi Indodana kaHezironi

18UKhalebi indodana kaHezironi wayelabantwana abazala kumkakhe u-Azubha (lakuJeriyothi). Amadodana ka-Azubha ayeyila: nguJesheri, loShobabi, kanye lo-Adoni. 19Ekufeni kuka-Azubha, uKhalebi wathatha u-Efrathi, owamzalela uHuri. 20UHuri wayenguyise ka-Uri, njalo u-Uri enguyise kaBhezaleli.

21Muva, uHezironi wembatha lendodakazi kaMakhiri uyise kaGileyadi (ayemthethe eseleminyaka engamatshumi ayisithupha ubudala bakhe), yena wamzalela uSegubi.

22USegubi wayenguyise kaJayiri, owayephethe imizi engamatshumi amabili lantathu eGileyadi. 23(Kodwa uGeshuri lo-Arama bathumba iHavothi-Jayiri, kanye leKhenathi lezindawana eziyimizana eseduzane, imizi engamatshumi ayisithu-pha.) Bonke laba babeyisizukulwane sikaMakhiri uyise kaGileyadi.

24Ngemva kokufa kukaHezironi eKhalebi Efuratha, u-Abhija umkaHezironi wamzalela u-Ashuri uyise kaThekhoya.

UJerameli Indodana KaHezironi

25Amadodana kaJerameli izibulo likaHezironi yila: nguRama izibulo lakhe, loBhuna, lo-Oreni, lo-Ozeni kanye lo-Ahija.

26UJerameli wayelomunye umfazi owayethiwa ngu-Athara unina ka-Onami.

27Amadodana kaRama izibulo likaJerameli yila: nguMahazi, loJamini kanye lo-Ekheri.

28Amadodana ka-Onami yila: nguShamayi loJada. Amadodana kaShamayi yila: nguNadabi lo-Abhishuri.

29Umka-Abhishuri kwakungu-Abhihayili, owamzalela u-Ahibhani loMolidi.

30Amadodana kaNadabi yila: nguSeledi lo-Aphayimi. USeledi wafa engelabantwana.

31Indodana ka-Aphayimi yile: ngu-Ishi, uyise kaSheshani. USheshani wayenguyise ka-Ahilayi.

32Amadodana kaJada, umfowabo kaShamayi yila: nguJetheri loJonathani. UJetheri wafa engelabantwana.

33Amadodana kaJonathani yila: nguPhelethi loZaza. Laba babeyinzalo kaJerameli.

34USheshani wayengelawo amadodana, wayelamadodakazi wodwa. Wayelesisebenzi saseGibhithe esasithiwa nguJariha.

35USheshani wendisela isisebenzi sakhe lesi esinguJariha, indodakazi yakhe eyamzalela u-Athayi.

36U-Athayi wayenguyise kaNathani, uNathani enguyise kaZabadi,

37uZabadi enguyise ka-Efilali, u-Efilali enguyise ka-Obhedi,

38u-Obhedi enguyise kaJehu, uJehu enguyise ka-Azariya,

39u-Azariya enguyise kaHelezi, uHelezi enguyise ka-Eleyasa,

40u-Elayasa enguyise kaSisimayi, uSisimayi enguyise kaShalumu,

41uShalumu enguyise kaJekhamiya, uJekhamiya enguyise ka-Elishama.

Abosendo LukaKhalebi

42Amadodana kaKhalebi umfowabo kaJerameli yila: uMesha izibulo lakhe, onguyise kaZifi, lendodana yakhe uMaresha, uyise kaHebhroni.

43Amadodana kaHebhroni yila: nguKhora, loThaphuwa, loRekhemu loShema. 44UShema wayenguyise kaRahama, uRahama yena enguyise kaJokheyama. URekhemu wayenguyise kaShamayi. 45Indodana kaShamayi kunguMawoni, uMawoni wayenguyise kaBhethi Zuri.

46Umfazi weceleni kaKhalebi u-Efa wayengunina kaHarani, loMoza kanye loGazezi. UHarani wayenguyise kaGazezi.

47Amadodana kaJahidayi yila: nguRegemi, loJothamu, loGeshani, loPhelethi, lo-Efa kanye loShahafi.

48UMahakha umfazi weceleni kaKhalebi wayengunina kaShebheri loThirihana.

49Nguye njalo owazala uShahafi uyise kaMadimana kanye loSheva uyise kaMakhibhena loGibheya. Indodakazi kaKhalebi kwakungu-Akhisa. 50Yibo laba abenzalo kaKhalebi. Amadodana kaHuri izibulo lika-Efratha yila: nguShobhali uyise kaKhiriyathi Jeyarimi,

51loSalima uyise kaBhethilehema, loHarefi uyise kaBhethi Gaderi.

52Inzalo kaShobhali uyise kaKhiriyathi Jeyarimi yile: nguHarowe, ingxenye yamaManahethi,

53labosendo lukaKhiriyathi Jeyarimi kungama-Ithira lamaPhuthi lamaShumathi lamaMishirayi. Kulapho okwakudabuka khona amaZorathi lama-Eshithawoli.

54Abenzalo kaSelima yilaba: nguBhethilehema umNethofi, u-Athirothi Bhethi, uJowabi, ingxenye yamaManahathi, amaZori,

55losendo lwabalobi ababehlala eJabhezi: AmaThirathi lamaShimeyathi lamaSukhathi. Laba babengamaKheni beyinzalo kaHamathi ukhokho wama-Rekhabi.